Signature Dishes vum Christian Bau

Signature Dishes vum Christian Bau droen seng onverkennbar kulinaresch Handschrëft, ginn seng Philosophie an seng Leidenschaft fir d’Handwierk erëm. A well, wéi bei all Handschrëft, och eng kulinaresch Handschrëft sech iwwert d’Joren entwéckelt a verännert, wëll de Christian Bau Iech an dësem Portfolio all seng Signature Dishes aus de leschte Jore weisen. Vun 2007 bis 2016 sinn dat grouss a kleng Verännerungen. Awer bei all Plat erlabe mir ons ze soen: Dat ass en Teller vum Christian Bau!

Zanter 2007, wou de de Christian Bau seng eege Kichephilosophie konsequent weiderentwéckelt huet, sinn eenzegaarteg Signature Dishes entstanen, déi Dir hei entdecke kënnt. A wann ee vun den Ingredienten Iech net bekannt ass, kënnt Dir direkt doriwwer am Glossar noliesen.

  • All
  • 2000
  • 2007
  • 2008
  • 2009
  • 2010
  • 2011
  • 2012
  • 2013
  • 2014
  • 2015
  • 2016
  • 2017

Vum Japanesche Rëndsfleesch bis zum Gourmet Fësch

Duerch d’Passioun fir Produkter aus der asiatescher, haaptsächlech japanescher haute cuisine, kommen de Christian Bau seng Gäscht am 3Stärerestaurant “Victor’s Fine Dining”
an de Genoss vun enger ganz besonnesch edler Fleesch Zort: déi vum Wagyu-Rand. Dëst Fleesch aus Japan ass dat wäertvollst op der Welt. Et zeechent sech duerch seng dicht Marmoréierung aus, an zergeet doduerch op der Zong wéi Botter. Dobäi schmaacht et herrlech aromatesch, huet wéineg Cholesterin a vill Nährstoffer. Ee vun de Signature Dishes vum Christian Bau, bei deem dëst Fleesch den Haaptingredient ausmëscht, ass zum Beispill “Japanisches Rind aus der Präfektur „Miyazaki“. Dëst Fleesch kënnt vun Ozaki-Ranner, en Titel, deen nëmme Wagyu-Ranner vum Haff vum Wagyu-Liwwerant Ozaki an der Präfektur Miyazaki kréien. Si sinn déi eenzeg japanesch Randbéischten déi den Numm vun hirem Ziichter als Markenzeechen däerfen droen.

Och wa Fleeschplaten nëmmen e klengen Deel vum Menü am Restaurant ausmaachen, weess de Christian Bau seng Gäscht domat a Punkto Goût ze verwinnen. Fir de Kach läit de Fokus vu senger Kichen op Fësch a Mieresfriichten. Ob St. Pierre, Sole, Langoustine, Turbot aus dem Atlantik oder Äismierfrellen aus Island – zu all Joreszäit kommen nëmmen déi bescht Produkter op den Teller. Mëttwochs gëtt et zum Beispill Langusten, déi kuerz virdrun nach lieweg waren. Méi frësch geet net.

Ob edel Fëschplaten oder Desserten: De Plat entsteet am Kapp

Wann de Christian Bau en neie Plat well op d’Kaart setzen, stellt hien sech fir d’éischt d’Fro: Wat fir ee Produkt ass an dëser Joreszäit disponibel? Well wa fir eng Komponent net d’Saison ass, kann se net a beschte Qualitéit geliwwert ginn. Den Entworf vum Plat fänkt also am Kapp un. Ausgangspunkt ass ëmmer en Haaptprodukt, e Klassiker, deen nei interpretéiert gëtt. Da gi Kombinatioune geschaaft: Wat passt beieneen ? Wat fir eng Geschmacksrichtung soll de Plat kréien? Wat da passéiert ass spannend. De Christian Bau gëtt jidderengem aus senger Equipe eng Aufgab. Dee nee kreéiert beispillsweis d’Algenzalot, en aneren d’Kornischongs Glace, de Christian Bau selwer konzipéiert den Teller, mécht aus him en optescht Highlight.

Hie setzt d’Eeenzeldeeler zesummen zu enger Strooss, engem Krees oder arrangéiert se um Bord vum Teller. Nodeems di éischt Versioun realiséiert ass kënnt de Fine Tuning. E Prozess, deen eng oder och fënnef Wochen dauere ka – bis e perfekten Equiliber um Teller fonnt ginn ass. Gläichgewiicht heescht en handwierklech uspriechende Plat, strukturalistesch, verschidden Texturen, Temperaturen a Geschmackswelten déi sech vereenegen. An awer muss och e manner erfuerene Genéisser, egal ob bei Gourmetfësch oder japaneschem Rëndsfleesch, de Plat direkt verstoen a genéisse kënnen.